नको मागे वळून पाहू !
दोष तुझे
माझेव्यर्थ मोजणे हे
कुरवाळत त्यांना
नको उगा राहू !
शब्द बोललेले
काही असे तसे
अर्थ त्यांच्यात तू
नको शोधून पाहू !
झाले गेले काही
भूतकाळ सारा झाला
वर्तमान त्याच्याशी
नको जोडून पाहू !
उरले हाती काही
अम्रुत क्षण थोडे
खुळ्या त्या क्षणांना
नको विसरून जाऊ!
उभा ठाकला हा
मोठा काळ पसारा
वेचित जा तू सुमने
नको मागे वळून पाहू!
जान्हवी
No comments:
Post a Comment