पावसाने कोठे दडीमारलेली
दुष्काळ दाटला चहूदिशा
जीवन जिवनात मिळणे कष्ट्प्रद
दूरची नदी खुणावते....
तप्त तापली धरणी
आग ओके ऊन
परी पाय चालतात
झपझप..
इवलिशी पोर
वाही संसाराचा भार
मुलपण सारे हरवले..
सावळीशी काया
रापलेली पार
डोळ्यांत कारुण्य अपार
दाटलेले..
नदिचाया आता
उरला ओहोळ
पाणी सगळाले
आटलेले..
होउन हताश
घागर टेकली
डोळ्यांच्या पूरात
वाहिलेली.. !
जान्हवी
No comments:
Post a Comment