जीवन व्यस्त , मन अस्वस्थ
पैशाचा पूस , जगणे स्वस्त !
लखलखीत घर, वाढलेला स्तर
हरवलेला त्यातून , माणसांचा वावर !
विस्तारल्या दिशा , वाढत्या अपेक्षा
रंगोतीने दडवल्या , कपाळावरच्या रेषा !
मित्रांची संख्या , फुगलेला आकडा
मन रमवायला एकटेपणात , जीव पडतो तोकडा !
व्यवहारी जग , व्यवहारी नाती,
प्रेमाचा मांडून बाजार , चित्रपटांची चलती !
नवीन वर्षाचा , जोराचा जल्लोष ,
दडपून टाकायला मनातला , वाढलेला आक्रोश !
जान्हवी
No comments:
Post a Comment