पुन्हा सरला, तम तो सरला
शुक्र चांदणी लुकलुकती
अंधुक अंधुक तरी अजुनही
चंद्र कोर हि मावळती
लाल-गुलाबी रथ हा उधळे
किरण धुळीचे पाझरती
स्वागतोत्सुक सारे जमूनी
पक्षी मंजूळ किलबिलती
लगबग लगबग समीर सरावे
सडा प्राजक्ते घातीला
लखलख लखलख सारा सारा
महाल आहे सजलेला
उठा , सज्ज व्हा सारे सारे
चिंब दवात न्हालेली
लाजत,मुरडत अमुची राणी
पहा, आली पहाट आलेली
आली पहाट आलेली
जान्हवी
No comments:
Post a Comment