कविता

भावनांचे मेघ दाटती
कल्लोळ होतो शब्दांचा
कागदावरी अन् उतरत जातो
पाउस वेड्या कवितेचा

असह्य होवुनि अंधार दाटतो
वादळ वारा विचारांचा
कागदावरी...

विजकल्पना त्यातून स्मरते
वेध घेत त्या तिमीराचा
कागदावरी...

तंद्री लागते कसलीशी अन्
नाद ताल त्या धूंदिचा
कागदावरी...

झरझर झरझर हात चालतो
श्वास बनोनि शाइचा
कागदावरी...

प्रतिबिंब त्यातच उमटत जाते
तो आरसा होत मनाचा..
कागदावरी...

जान्हवी